ما الفرق بين ميزان المدفوعات والميزان التجارى ؟
اولا افتكر ان كلمة ميزان هتوصلنا لتصور اننا قدام كفتين متقابلتين والمفروض يبقى فيه ( توازن ) بينهم
ميزان المدفوعات لاى دوله اشبه ما يكون بالفرق بين الفلوس اللى داخله البلد (خلينا نسميها الايرادات ) و الفلوس اللى خارجه من البلد (خلينا نسميها المصروفات ) ، لو الايرادات دى اكتر من المصروفات هيبقى عندك ( فائض فى ميزان المدفوعات ) هيبقى عندك فلوس زيادة جوه البلد تقدر تستثمرها وتنمو والدنيا تبقى زبادى خلاط وطبعا كل ما يزيد ( الفائض ده ) الدنيا تبقى احسن
المشكله فى السيناريو التانى ، لما المصروفات هى اللى تبقى اكتر من الايرادات
ساعتها هيبقى فيه عجز فى ميزان المدفوعات
هتبقى الفلوس (بتهرب وتتسرب ) خارج الدوله و طبعا هتبقى فيه ازمة اقتصاديه بكل معانيها
( يعنى ميزان المدفوعات بيتكلم عن العلاقه الماليه للدوله مع العالم الخارجى كله ( اللى داخل واللى خارج
امال ايه الميزان التجارى ايه بقى ؟
ده بيبقى شبه ميزان المدفوعات بس غالبا بين دولتين فقط ، يعنى مثلا بين مصر و كينيا ، بنشوف مصر بتصدر قد ايه لكينيا و كينيا بتصدر قد ايه لمصر ، نلاقى ان كينيا بتصدر لمصر اكتر ما بتستورد منها ، يبقى الميزان التجارى يميل للعجز فى (كفة مصر ) و يميل للزيادة فى كفة ( كينيا ) او يحصل العكس ان مصر بتصدر اكتر لكينيا مما بتستورد منها ، يبقى الميزان يميل لصالح مصر ، وفيه عجز عند كينيا
فايدته بالبلدى كده انه بيقولك ان (ثروتك ) اللى بتخرج بره البلد ، بتروح لانى دول بالضبط ، عشان تدرسها افضل وتركز على
خفيض الاستيراد وزيادة الصادرات لكى تعدل الميزان التجارى لصالح و يتحول اتجاه الاموال اليك بدلا ما كان يتجه لغيرك
احيانا يستعمل الميزان التجارى للاشاره الى الفارق بين الصادرات والواردات فى الدوله نفسها ، يعنى مثلا لما نقول ان فيه عجز فى الميزان التجارى فى مصر ، فهذا معناه ان الواردات اكبر من الصادرات ، ولما نقول ان العجز فى الميزان التجارى عموما انخفض ، فده معناه ان الصادرات زادت او الواردات قلت ، او الاثنين معا
خفيض الاستيراد وزيادة الصادرات لكى تعدل الميزان التجارى لصالح و يتحول اتجاه الاموال اليك بدلا ما كان يتجه لغيرك
احيانا يستعمل الميزان التجارى للاشاره الى الفارق بين الصادرات والواردات فى الدوله نفسها ، يعنى مثلا لما نقول ان فيه عجز فى الميزان التجارى فى مصر ، فهذا معناه ان الواردات اكبر من الصادرات ، ولما نقول ان العجز فى الميزان التجارى عموما انخفض ، فده معناه ان الصادرات زادت او الواردات قلت ، او الاثنين معا
️فى مصر اهم مصادر النقود الى بتدخل البلد هى
الصادرات ، التحويلات من الخارج للداخل ( العاملين بالخارج) ، السياحة ، الاستثمارات الاجنبيه ( بما فيها الاقتراض) ، قناة السويس .
️واهم منافذ النقود اللى بتخرج من البلد
الاستيراد ، سداد الديون والفوائد ، التحويلات من الداخل للخارج
لاحظ ان الميزان التجارى بيركز على الصادرات و الواردات فقط فهو اقل شمولا وخطورة من ميزان المدفوعات ن لان ممكن الميزان التجارى مع دوله يبقى فيه عجز بس مع اغلب الدول يبقى كويس وميزان مدفوعاتك كويس والدنيا تبقى ماشيه تمام ، بينما العكس هيبقى كارثى ( ميزانك التجارى كويس مع بعض الدول ) بس الاجمالى ان ميزان مدفوعاتك فيه عجز وهتبقى عندك ازمه ( زى اللى كنا فيها من سنتين تقريبا )
لاحظ برضه ان اغلب مصادر الفلوس اللى داخله البلد ، مش مع الحكومه اصلا ، هى مع الناس ، مع القطاع الخاص ، مع الشعب
اللى مع الحكومه هو ( الاقتراض و قناة السويس ) والباقى شغل مصانع و عاملين مصريين بالخارج وسياحه واستثمارات اجنبيه ، كلها ليست ملك الحكومه
وده يديلك مؤشر لقدرات الحكومه المحدوده نسبيا فى التحكم الكامل او القدره على الزيادة فى البنود دى ، لانها اصلا لا تملكها ، وانما هى ملكك انت بالاساس.
برضه لاحظ ان منافذ خروج النقود ، يقع اغلبها ايضا على الناس ( الاستيراد و التحويلات للخارج من خلال الشراء بالفيزا والماستر كارد مثلا والسياحه الخارجيه ( تشمل السياحه الدينيه ) وغيره ).
هنا تفهم ان دور الحكومه تنظيمى فى الاساس ، انما صعب تمنع او تتحكم 100% فى ظل نظام راسمالى ، دايما لازم تسيب للسوق ( انا وانت يعنى) قدر من حرية الحركة ... انت بتطالب بيها ، وبرضه بتشتكى منها لما بتدفع ثمنها )
فى النهاية ماهو الحساب الجارى ؟
هو احد مكونات ميزان المدفوعات اضافة الى الحساب الرأسمالى ، وعادة ما يكون فيه عجز ، واذا كان التدفق الاستثمارى كبيرا فيمكن ان يعوض هذا العجز ، اذا كان العجز صغيرا ، او كان ( بيقل ومش بيزيد ) يعنى بينقص ولا يزيد ، انا اعنى هنا العجز هو
اللى بينقص
والتوقعات الاخيره من فيتش و صندوق النقد الدولى كانت فى صالح انخفاض عجز الحساب الجارى فى مصر ، والذى ان وافقه زيادة فى التدفقات النقديه اوالاستثمارات ، سيعنى ان يكون ميزان المدفوعات فى النهايه فى صالح كفة الايرادات ، وبالتالى قد يؤثر ايجابا على سعر العمله
فى النهاية ماهو الحساب الجارى ؟
هو احد مكونات ميزان المدفوعات اضافة الى الحساب الرأسمالى ، وعادة ما يكون فيه عجز ، واذا كان التدفق الاستثمارى كبيرا فيمكن ان يعوض هذا العجز ، اذا كان العجز صغيرا ، او كان ( بيقل ومش بيزيد ) يعنى بينقص ولا يزيد ، انا اعنى هنا العجز هو
اللى بينقص
والتوقعات الاخيره من فيتش و صندوق النقد الدولى كانت فى صالح انخفاض عجز الحساب الجارى فى مصر ، والذى ان وافقه زيادة فى التدفقات النقديه اوالاستثمارات ، سيعنى ان يكون ميزان المدفوعات فى النهايه فى صالح كفة الايرادات ، وبالتالى قد يؤثر ايجابا على سعر العمله
