Skip to main content

ما هو تأثير الانتخابات الرئاسية على الاقتصاد؟

ما هو تأثير الانتخابات الرئاسية على الاقتصاد؟
-------------------------------------------
هل للانتخابات الرئاسية تأثير على الاقتصاد سواء سلبا او ايجابا ؟
-------------------------------------------------------------
اى شخص درس او قرأ فى ما يعرف باسم " دورات اسواق الاوراق الماليه " stock market Cycles
او ما يعرف باسم "توقيت اسواق الاوراق الماليه" Stock Market timing
هيبقى عارف ان فيه فعلا اجابه علميه على السؤال ده
فيه نظريه عملها واحد اسمه " يل هيرش " اسمها
"" نظرية دورة الانتخابات الرئاسية ""
طبق فيها نظريته على الاسواق الماليه الامريكيه وطابقها بتواريخ الانتخابات الامريكيه اللى بتتم كل (( اربع سنوات ))
استخدم فيها البيانات المتاحه لمعرفة اجابة هذا السؤال ..

كيف كان اداء اسواق الاوراق الماليه للانتخابات الرئاسية ؟!!
وجد ما يلى
كقاعدة عامة " أضعف اداء لاسواق الاوراق الماليه كان فى عام الانتخاب نفسه واول عام من ولاية الرئيس الجديد "

وهو ما يمكن وصفه بان التأثير "" سلبى "" على اسواق الاوراق الماليه


يعنى بالبلدى الانتخابات الرئاسيه بتؤثر سلبا على الاقتصاد الامريكى و بينعكس ده على اسواق الاوراق الماليه طبعا ، وده على الرغم ان السياسه العامه الاقتصاديه للرئيس مش هتغير بشكل كبير الاقتصاد الامريكي ، اللى هو فى كل الاحوال اقصى صور الرأسماليه .... يعنى مش هيخليه اشتراكى مثلا ... ورغم كده التأثير السلبى ده واضح تماما ، لمجرد التغيير السياسى اللى يكاد يقترب انه يكون شكلى احيانا من الناحية الاقتصاديه ..!!!
--------------------------------------------------------
طبعا ممكن تسأل نفسك ، لما هو الموضوع واضح كده ، ليه الامريكان برضه بيعملوا الانتخابات كل 4 سنوات ؟!! هم غاويين خساره ؟!!

امريكا موضوعها عموما معقد ، متنساش انهم بيعانوا معاناه رهيبه من انتشار حمل السلاح وجرائم اطلاق النار العشوائيه على الناس هناك ، مئات بيموتوا فى الحوادث دى سنويا ، ورغم كده محدش عمل حظر على حمل السلاح بالشكل ده ؟!
برضه الشعب الامريكى بيعانى بشده من الخدمه الصحيه ، ورغم كده محدش قدر يعمل تأمين صحى زى ما هو موجود فى كندا او بريطانيا مثلا !!! رغم ان امريكا اغنى من الدولتين !!!
اذن فالوضع فى امريكا بطبعه معقد سياسيا ، وكون الاقتصاد بتاعه اصلا قوى جدا ، و مبيعتمدش على الدوله فى الاساس ، و مستقر جدا ، واعتماده الاصلى على القطاع الخاص ، ورغم كل ده ، فهو بيتأثر بشكل ملحوظ جدا مع تكرار الانتخابات الرئاسيه !!!
---------------------------------------
امال الدول اللى اقتصادها لسه ناشىء ، وهش ، وفى مرحلة تغيرات وانتقال واصلاح هيكلى

الدول اللى اصلا اقتصادها معتمد على التدخل الحكومى و المشاريع الحكوميه ، و التصنيع الحكومى ، و الاسكان الحكومى والانفاق الحكومى و غيره وغيره وغيره
الدول اللى شعوبها قاعده ليل نهار تسأل ، هى ليه الحكومه مبتعملش ومبتصدرش ومبتعلمناش و مبتوفرلناش بطاطس رخيصه وعربيات زيرو بسعر مدعوم وسمارت فون بسعر حنين ؟!!!
هتتاثر بمقدار قد ايه بتكرار الانتخابات الرئاسية كل 4 سنوات ؟!!
------------------------------------------------------------
سيبك من اى رأى سياسى او هو ايدولوجى ، او مخاوف اخرى ، اتكلم من الناحيه الاقتصاديه البحته

عاوزك تتخيل الوضع ده ، بعد الحقيقه ( العلميه ) البسيطه والمعروفه دى
------------------------------------------------------------

Comments

Post a Comment

Popular posts from this blog

فيلم الشعله ....معلومات لا تعرفها عن فيلم كان يعرض كل عيد

يتذكر اجيال ما قبل التسعينات   فيلم الشعله ، الفيلم الهندى الاشهر  اعتدنا جميعا ان نشاهده ظهر احد ايام العيد على القناة الثانيه المصرية يرتبط الفيلم مع بعضنا بذكريات الاعياد ، او حتى نوادى الافلام الهنديه ، التى كانت تعرض تلك الافلام وعلى راسها فيلم الشعله كمقهى صغير لجذب الرواد ، منذ نهاية السبعينات  نرصد معا بعض المعلومات عن الفيلم الذى لا ينساه مصرى او مصريه فى ذلك الزمن الفيلم من انتاج عام 1975م  تم تصوير الفيلم لمدة تزيد عن العامين والنصف تم عرض الفيلم فى السينمات لفتره اسطوريه ، تصل الى 5 سنوات تقريبا ، وهو امر غير مسبوق طبعا ابطال الفيلم  ا ميتاب باتشان لم يكن هو البطل الاول للفيلم فى شخصية جاى ، وانما كان فى وقتها نجما صاعدا ، حيث ان مسيرته وقت اختياره كانت 3-4 سنوات فقط فى بوليود بينما كان بطل الفيلم الاول هو  دارمندرا الذى قام بشخصية فيرو  لهذا كانت وفاة اميتاب فى الفيلم طبيعيه ، وان كانت صادمه للجمهور العربى عموما ، والذى يعتبر وجود اميتاب باتشان فى اى فيلم  يعنى انها بطولته المطل...
4 comments
Read more

ما هو ترتيب مصر عالميا من حيث الجريمه المنظمه و خدمات الشرطة ؟

احد الموضوعات الحرجه والتى يتجنب الكثيرون الحديث عنها  واحد اكثر الموضوعات التى حدث فيها غسيل دماغ للمصريين  هناك معيار دولى سنلتزم به وهو تقرير التنافسيه العالمى 2018 The Global Competitiveness Report  يعطى التقرير الشرطة المصريه من حيث الموثوقيه والاعتماديه Reliability of police services درجة 4.8 من اجمالى 7 درجات طبقا للمقياس الخاص بهم  المفترض ان 7 هى افضل مستوى للموثوقيه  و 1 هى اقل مستوى  ترتيب الشرطة المصريه وخدماتها هنا كان 51 عالميا من اجمالى 140 دوله  وهو ترتيب جيد جدا ... انت تقريبا فى الثلث الامامى  ترتيبك فى الجريمه المنظمه هو 43 على العالم ، بسكور 5.3 من 7 ، وهو ايضا سكور جيد جدا بين دول العالم الثالث ، ان لم يكن ممتازا ، ولاحظ انه يرتبط نسبيا بكفاءة جهاز الشرطه ماذا عن دوله مثل تركيا ؟  ترتيب موثوقيه واعتمادية خدمات الشرطة التركية عالميا هو 90 و بسكور 4.1 فقط  الجريمه المنظمه فى تركيا يجعلها فى الترتيب 91 عالميا وبسكور 4.4 اذن باختصار الشرطه فى مصر اكثر ...
2 comments
Read more

لماذا تحالف اليساريون مع الاخوان؟ الحلقة الاولى..... اليسار

الحلقة الأولى  اليسار المقال ده باجزاءه ، غرضه التبسيط والتوضيح للقارىء العادى ، وليس الخلاف حول التعريفات السياسية المتخصصه هحاول هنا اربطلك شوية حاجات تبدوا مبهمه احيانا للقارىء العادى لحد ما نوصل مع بعض لاجابة السؤال اللى فوق اى عارف بتاريخ اليسار سواء فى مصر او غيرها ، سيعلم علم اليقين ان العلاقة بينه وبين اليمين الدينى المتطرف وجماعاته "كجماعة الاخوان" كانت دوما علاقة عداء صريح ، علاقة يشوبها الاتهامات المتبادله ، وانعدام الثقه لكن اى نظرة لعلاقتهم فى السنوات الاخيره ستصيبك بالاندهاش ، اصبح الاثنان فى معسكر واحد دوما ، وعادة ما يكون هذا المعسكر ضد الدوله نفسها ، والانكى ان تجليات التعاون عادة ما تنتهى فى غير صالح اليسار، فلماذا التعاون والالتصاق المستمر اذن؟! لكى نفهم الامر بشكل افضل تعال فى رحله بسيطه حول المسميات والافكار من هم اليساريون؟ كلمة اليسار فى الفكر السياسى تعود اساسا لعصر الثورة الفرنسيه عندما كان المعترضون او المعارضون ، الراغبين فى هدم النظام الحالى واستبداله بنظام اخر يجلسون الى اليسار ، بينما المؤيدون والمحافظون وال...
1 comment
Read more