موجز لفهم الحاضر من التاريخ .....النفوذ الالمانى....الجزء الاول

اعتبر ده موضوع تاريخ توعوى بخصوص المانيا ونفوذها بالنسبه للعالم الغربى على الاقل 

سيبك من موضوع الاقتصاد وانها اكبر مصدر فى اوروبا وغيره ، هعرض عليك شوية حقائق تاريخيه بسيطه عشان تفهم بالضبط ، مين هم الالمان ؟

تاريخيا اوروبا كان بيحكمها شعبين الكلت و الغال .. بنتكلم عن وسط وشمال اوروبا 

 Germany بعد كده ظهرت هجرات من الشمال من خلال قبائل الجرمان ( اللى هى اشتقت منها كلمة

  ، والكلام ده تقريبا  بعد الميلاد بمئات السنين
يعنى نقول ما بين 3-4 قرون 

القبائل دى يافندم اكتسحت اوروبا بالمعنى الحرفى ، لدرجة ان الشعبين السابق ذكرهم تقريبا شبه اختفوا من اوروبا ، هرب الكلت لشمال جزيرة بريطانيا واغلب تراثهم اللى نعرفه الان جاى من هناك ، والغال تبقى لهم اثار بسيطه فى منطقة شمال فرنسا و بلجيكا ، واشهر ما ذكر عنهم صراعاتهم مع الرومان ( واتعمل عليها كوميكس مشهور وافلام باسم استركس واوبلكس )

المهم ان القبائل الجرمانيه دى زى مبقولك اكتسحت اوروبا اكتساحا واحتلت الدول الحاليه ، وغيرت كل شىء

ازاى ؟

 خد عندك

من القبائل الجرمانيه دى

قبائل الالمان

Alamanni 

 ِ: يعنى كل الرجال ، واستوطنوا المانيا الحاليه وسويسرا وجزء من شمال فرنسا ، وواضح ان اسم الدوله بلغات اللاتين اشتق من اسم القبائل ، ووصل للغه العربيه

قبائل الانجلز

 دول بقى استوطنوا الدانمرك وهولندا الحاليه اضافة الى بريطانيا ، وضيقوا على الكلت اللى سبق ذكرهم ، وطبعا غنى عن الذكر ان اسم ( الانجليز ) سهل تفهم تم اشتقاقه منين ! اضافة الى ماسبق فان اى معرفه بالالمانيه الحاليه تجعلك تجد تشابها وتقاربا ما مع الانجليزيه الحاليه ، وغالبا كان هناك تشابه اكبر قديما فى اللغتين

قبائل الساكسون

 ايضا استوطنت اقليم ساكسونيا + بريطانيا الحاليه ، وسهل الان تفهم منين جت كلمة ( الانجلو- ساكسون) الشهيره ، اللى هى فى الحقيقه قبائل جرمانية الاصل وتعبر الان عن تحالف اوروبا الغربيه + امريكا الشماليه

عارف قصص الملك ارثر وحروبه الشهيره ، كلها كانت ضد الساكسون الغزاه انذاك

بالنسبه لوليام والاس الاسكتلندى بتاع فيلم القلب الشجاع ( اللى تقدر تفهم اصوله الكلتيه الان مما شرحناه ) كان بيعتبر الانجليز 

محتلين ( لانهم كذلك تاريخيا زى مقولتلك ) وايضا تقدر تفهم ليه اسكتلندا مختلفه عن انجلترا وليه حريصين على استقلاليتهم نسبيا

قبائل القوط 

 القوط دول كانوا نصفين ، نصف غربى ، بيحكم فرنسا و اسبانيا ، وهم دول اللى العرب واجهوهم اثناء فتح اسبانيا بقيادة طارق بن زياد ، وينسب ليهم اثار معماريه هامه وكبيره فى وسط اوروبا ، وبسبب تلك المبانى المهيبه ذات الطرز الغريبه المخيفه نشأ فن الادب القوطى فيما بعد

اما القوط الشرقيين دول بقى قعدوا فى اوكرانيا و روسيا البيضاء وعملوا مملكه على ضفاف البحر الاسود ، فلما تلاقى اوروبا بتعتبر اوكرانيا منهم ، فانت تفهم ليه ساعتها

اضف لدول ان شارلمان الكبير ، اللى يعتبر وريث الامبراطوريه الرومانيه ، ومؤسس ما عرف باسم الامبراطوريه الرومانية المقدسه ، وده كان ملك ما عرف عند العرب باسم ( الفرنجه ) ، عارفهم ؟! اهم دول بقى ، فى الاساس قبائل جرمانيه ايضا ، وكان اسمها مملكة فرانكا ، وتحول بالعربى الى فرنجه ، و تدريجية تحول الى فرانس ، او فرانسا كما نعرفها اليوم

طبعا المنطقه دى بقت كاثوليك عشان يدوا لحكمهم صبغه دينيه باعتراف بابا روما ( الفاتيكان ) بيهم ، بينما منافسيهم دخلوا بعد كده فى البروتستانتيه نكاية فى روما وسلطانها الدينى عليهم ، فهتلاقى غالبا شمال اوروبا اميل للبروتستانتيه ، وجنوبها كاثوليكى ، والتقسيمه كانت زمان سببها سياسى فى الاصل و توارثها الاجيال بعد ذلك

 الفندال ، او الوندال 

دول من القبائل الجرمانيه اللى هاجرت برضه ، واقنعهم الجرمان اقاربهم بترك وسط اوروبا والاتجاه جنوبا ، وهم فى اتجاههم للجنوب اكتسحوا الامبراطوريه الرومانيه ( اللى كانت عاصمة الحضاره فى العالم وقتها ) و دمروها ، وظهرت تسمية "البرابره" لكل ما هو "غير رومانى " بسبب تلك القبائل الجرمانيه ، اللى استقرت اساسا فى شمال افريقيا و اقتطعتها غصبا من الامبراطوريه الرومانيه ، وسكنوا فى جنوب اسبانيا فتره مع اقاربهم القوط ، وجاءت كلمة الاندلس التى عرفها العرب منهم ، حيث سموا جنوب اسبانيا باسم القبيله ( واندالوسيا ) ، كما ان هذه القبائل التى اكتسبت لقب "البرابره " ، وسمعه افراد القبيله من الرومان ، واشتهروا به ، فعرفهم العرب بعد ذلك باسم ( البربر ) الى انت غالبا سمعت عنهم ، وكان من بينهم طارق بن زياد

لهذا السبب ستجد فى شمال افريقيا ( تونس و الجزائر بالذات ) حتى اليوم اثارا لهذا الغزو والاندماج العرقى ، من حيث بياض البشره ، العيون الزرقاء والشعر الاصفر ، وان كان بنسب اقل ، لان جينات اهل البلاد السمر ، كانت سائده دائما من تلك الجينات الشماليه

لماذا دخل البربر فى الاسلام بسهوله ؟

سبق ان اخبرتك ان البربر ( الوندال ) اتجهوا من الشمال الى الجنوب ، و قد عاشوا فتره فى وسط القوط الشرقيين وقتها فى وسط اوروبا( المجر وشرق اوروبا حاليا ) قبل ان يهاجر كل مجموعه فى اتجاه ، وفى ذلك الوقت ، كانت نسخة المسيحيه الاكثر انتشارا فى تلك المنطقه هى الاريوسيه (مذهب ينسب الى راهب مصرى اسمه اريوس ) ، وهى تنتهج التوحيد خلافا للكاثوليكيه وقتها ، ومن الممكن ان نقول انها تشبه الاسلام لحد كبير من حيث انسانية المسيح ، فكان من السهل بسبب التقارب فى الافكار ، ان يدخل البربر ( الوندال ) فى الاسلام مع الفاتحين العرب سريعا ، ويدلوهم على ( واندلوسيا ) ويساعدوهم فى ( العوده لها باعتبارها جزء من بلادهم فى وقت ما – اى الوندال)

هناك ايضا القبائل الارية 

 وتلك اتجهت شرقا اكثر واكثر ، وصلت الى شمال ايران والهند وباكستان الحاليه وافغانستان وبعض مناطق وسط اسيا ( الجمهوريات السوفيتيه القديمه )، وستجد ان تلك المنطقه غنية بنفس الصفات الشكليه الى اليوم ( بياض البشره ، عيون زرقاء ، واحيانا شعر اصفر ) وهى مواصفات مختلفه عن الشعوب الاصليه ، تلك القبائل كان تاثيرها هاما على التاريخ فى تلك المنطقه ، وتسببت فى تغييرات عقائديه كثيره ، واندماج الالهه الوثنيه لتلك القبائل الجرمانيه مع الالهه الوثنيه لتلك المناطق(هناك امثله كثيره وشيقه لكن توقيتها ليس مناسبا الان) ، مما تسبب فى ظهور اساطير هنديه شهيره و تطورت الديانه الهنديه لشكلها المعقد الحالى بسبب ذلك الاندماج ، بل ان اللغه السنسكريتيه ( الهنديه القديمه ) تعتبر من اخوة اللغات الانجليزيه والالمانيه و الدانماركيه و الهولنديه والسويديه والنرويجيه ، وكلها تسمى لغات ( هندو اوروبيه )

وقد فوجىء الانجليز عند احتلال الهند بالتشابه الكبير بين تلك اللغات واللغه السنسكريتيه الهنديه مما ادى لدارسة متعمقه وكانت النتائج ماذكرناه من قبل

وحتى الفايكنج ، هناك اعتقاد قوى انهم من القبائل الجرمانيه ايضا واستوطنوا كما نعلم شمال اوروبا ( النرويج وايسلنده 

اثناء تلك الهجرات التى استمرت مئات السنين ، كانت القبائل مجرد قبائل بدويه همجيه تتسم بالشراسه الهائله فى الحروب ، لا حضاره لها ، لكنها وفدت على اراض متحضره ، حصل اندماج وتاثر ، تعايشوا مع كل تلك الشعوب و عاشوا بينها و تاثروا بها ، وحكموها فترات طويله ايضا

ولك ان تتخيل ان تاثير تلك القبائل الجرمانيه ممتد حتى اليوم من شمال الهند شرق و عبر اوروبا و امتد غربا الى امريكا الشماليه ، !!

نستكمل كلامنا فى الجزء الثانى ان شاء الله