Skip to main content

ما هو التيسير الكمى (الجزء الاول)

ما هو التيسير الكمى ؟

Quantitative easing
لو عاوز تفهم ببساطه اقرا واحده واحده
=============================================
التيسير الكمى هو مصطلح اقتصادى قد تسمعه بكثره في نشرات الاخبار ، او تقرأه في الجرائد لما يحب المعد انه يتفذلك على المستمعين بمصطلح شكله (مكلكع) بينما معناه بسيط في حقيقته

تعال نشوف باختصار كده
لما البنك المركزى يشوف ان فيه مخاوف من ركود اقتصادى (زى الأوضاع الحاليه) فبيقرر انه يشتغل بأدواته ، اللى هي السياسه النقديه
طيب بالعقل كده لما يبقى فيه ركود ومفيش بيع ولا شراء ، تعمل ايه عشان تنشطهم من (زاوية السياسه النقديه)
ببساطه هتخلى الفلوس كتير ، السيوله كتير في ايد الناس
ساعتها هيضطروا تحت ضغط الاغراء انهم يستعملوها
يشتروا حاجات ، او يستثمروا ، وهكذا

طب هتعمل ايه يعنى ؟
---------------------
بيقوموا يطبعوا نقود مثلا ، اه زى ما سمعت كده ، بيطبعوا فلوس وده شغل البنك المركزى في اى دوله في العالم ، وفهموك انه في (المطلق) حاجه وحشه ، وده غير صحيح ، ده (أداة من أدوات المركزى القانونيه الطبيعيه) ورجاء مفيش حد يتكلم عن الغطاء الذهبى عشان (عيب) ، لان ده ملغى من نصف قرن في العالم كله
مع طباعة النقود دى هيخفض الفائده غالبا في نفس التوقيت
-----------------------------------------------------------
جميل ، برضه هيعملوا ايه بالفلوس دى يعنى ؟ هيلفوا يوزعوها على الناس مثلا؟
لا
طب هيزودوا المرتبات بيها ؟
ده مش حل سليم
ليه؟
لان مش كل الناس موظفين ، وبعدين طب لما تحب تخفض السيوله ، هل هترجع تنقص مرتبات الموظفين ؟
لا طبعا مش هتعرف ..... بس اديك فهمت ليه هو مش حل سليم في المجمل
------------------------------------------------
امال المركزى هيضخ الفلوس ازاى في الاقتصاد ؟
----------------------------------------------
ببساطه (هيشترى) السندات واذون الخزانه من البنوك ، ويديلهم فلوس قصادها 

احنا بنتكلم عن مليارات بتتدفع في العمليه دى ، السندات أصلا كان أصدرها قبل كدها نيابه عن الحكومه وبيبعها للبنوك ، وقصادها بياخد الفلوس ، والحكومه بتسدد ، وكده الطرفين عايشين تمام ، البنوك بتكسب وتدفع مرتبات و عوائد لمودعيها أصحاب المال الأصليين ، و الحكومه بتاخد فلوس تصرف بيها على المشاريع و الرواتب وغيره ....لكن دلوقت الاولويه معدتش كده ، الاولويه زى مقولنا للسيوله

كده البنوك التجاريه العاديه بقى معاها فلوس وسيوله كتير
وفى نفس الوقت الفائده انخفضت
وفى نفس الوقت عليها التزامات وعاوزه تكسب 

تعمل ايه ؟

تقرض الناس بشروط ميسره اكتر بتوجيهات من المركزى ، هي فهمت بقى اللعبه
تقرض المشاريع بشروط ميسره
طيب الناس فجأه تلاقى قدامهم محلات بتعرض شراء تلاجه بالتقسيط ويمكن بنفس السعر ، او بزياده طفيفه ، فتشترى
سياره بالتقسيط بدون فوائد ، فتشترى
المشروع يلاقى الطلب بدأ يزيد وفيه قروض ميسره ، فياخد قرض ويشترى مواد خام اكتر ويشتغل ، او يعمل خط انتاج جديد
تدريجيا الركود يخلص و الأمور تتحسن ، و(التضخم) يرتفع شويه بشويه للمستهدفات اللى عاوزها المركزى ، وبالتالي ، يبدأ يشدد قبضته 
تانى و يقفل حنفيه السيوله والتيسير الكمى 

Comments

Post a Comment

Popular posts from this blog

فيلم الشعله ....معلومات لا تعرفها عن فيلم كان يعرض كل عيد

يتذكر اجيال ما قبل التسعينات   فيلم الشعله ، الفيلم الهندى الاشهر  اعتدنا جميعا ان نشاهده ظهر احد ايام العيد على القناة الثانيه المصرية يرتبط الفيلم مع بعضنا بذكريات الاعياد ، او حتى نوادى الافلام الهنديه ، التى كانت تعرض تلك الافلام وعلى راسها فيلم الشعله كمقهى صغير لجذب الرواد ، منذ نهاية السبعينات  نرصد معا بعض المعلومات عن الفيلم الذى لا ينساه مصرى او مصريه فى ذلك الزمن الفيلم من انتاج عام 1975م  تم تصوير الفيلم لمدة تزيد عن العامين والنصف تم عرض الفيلم فى السينمات لفتره اسطوريه ، تصل الى 5 سنوات تقريبا ، وهو امر غير مسبوق طبعا ابطال الفيلم  ا ميتاب باتشان لم يكن هو البطل الاول للفيلم فى شخصية جاى ، وانما كان فى وقتها نجما صاعدا ، حيث ان مسيرته وقت اختياره كانت 3-4 سنوات فقط فى بوليود بينما كان بطل الفيلم الاول هو  دارمندرا الذى قام بشخصية فيرو  لهذا كانت وفاة اميتاب فى الفيلم طبيعيه ، وان كانت صادمه للجمهور العربى عموما ، والذى يعتبر وجود اميتاب باتشان فى اى فيلم  يعنى انها بطولته المطل...
4 comments
Read more

ما هو ترتيب مصر عالميا من حيث الجريمه المنظمه و خدمات الشرطة ؟

احد الموضوعات الحرجه والتى يتجنب الكثيرون الحديث عنها  واحد اكثر الموضوعات التى حدث فيها غسيل دماغ للمصريين  هناك معيار دولى سنلتزم به وهو تقرير التنافسيه العالمى 2018 The Global Competitiveness Report  يعطى التقرير الشرطة المصريه من حيث الموثوقيه والاعتماديه Reliability of police services درجة 4.8 من اجمالى 7 درجات طبقا للمقياس الخاص بهم  المفترض ان 7 هى افضل مستوى للموثوقيه  و 1 هى اقل مستوى  ترتيب الشرطة المصريه وخدماتها هنا كان 51 عالميا من اجمالى 140 دوله  وهو ترتيب جيد جدا ... انت تقريبا فى الثلث الامامى  ترتيبك فى الجريمه المنظمه هو 43 على العالم ، بسكور 5.3 من 7 ، وهو ايضا سكور جيد جدا بين دول العالم الثالث ، ان لم يكن ممتازا ، ولاحظ انه يرتبط نسبيا بكفاءة جهاز الشرطه ماذا عن دوله مثل تركيا ؟  ترتيب موثوقيه واعتمادية خدمات الشرطة التركية عالميا هو 90 و بسكور 4.1 فقط  الجريمه المنظمه فى تركيا يجعلها فى الترتيب 91 عالميا وبسكور 4.4 اذن باختصار الشرطه فى مصر اكثر ...
2 comments
Read more

لماذا تحالف اليساريون مع الاخوان؟ الحلقة الاولى..... اليسار

الحلقة الأولى  اليسار المقال ده باجزاءه ، غرضه التبسيط والتوضيح للقارىء العادى ، وليس الخلاف حول التعريفات السياسية المتخصصه هحاول هنا اربطلك شوية حاجات تبدوا مبهمه احيانا للقارىء العادى لحد ما نوصل مع بعض لاجابة السؤال اللى فوق اى عارف بتاريخ اليسار سواء فى مصر او غيرها ، سيعلم علم اليقين ان العلاقة بينه وبين اليمين الدينى المتطرف وجماعاته "كجماعة الاخوان" كانت دوما علاقة عداء صريح ، علاقة يشوبها الاتهامات المتبادله ، وانعدام الثقه لكن اى نظرة لعلاقتهم فى السنوات الاخيره ستصيبك بالاندهاش ، اصبح الاثنان فى معسكر واحد دوما ، وعادة ما يكون هذا المعسكر ضد الدوله نفسها ، والانكى ان تجليات التعاون عادة ما تنتهى فى غير صالح اليسار، فلماذا التعاون والالتصاق المستمر اذن؟! لكى نفهم الامر بشكل افضل تعال فى رحله بسيطه حول المسميات والافكار من هم اليساريون؟ كلمة اليسار فى الفكر السياسى تعود اساسا لعصر الثورة الفرنسيه عندما كان المعترضون او المعارضون ، الراغبين فى هدم النظام الحالى واستبداله بنظام اخر يجلسون الى اليسار ، بينما المؤيدون والمحافظون وال...
1 comment
Read more