اسم غريب شويه !!!
ايه هو منحنى جاتسبى العظيم؟ ولماذا سمى بهذا الاسم ؟
The Great Gatsby Curve
باختصار ده منحنى اقتصادى بيمثل العلاقه بين العداله الاجتماعيه (او توزيع الثروه والدخل) وقدرة الجيل الثانى على التحرك صعودا على سلم الاقتصاد
------------------------------------------------------------
يعنى بالبلدى .... ايه إمكانية ان ابن الفقير يبقى غنى لما يكبر ؟!!
-------------------------------------------------------------
طبعا ده هيقيس نقطه هامه جدا ....وهى الفرص المتاحه وهل هي متساويه وعادله ولا لا
المنحنى ده في الأصل بدأ الكلام عنه حديثا جدا ....في 2012م
الكلام عن بيتركز عن
------------------------------------------------------------------
هل الحلم الامريكى ...حقيقه ام خيال من وجهة نظر عمليه اقتصاديه ؟!!
---------------------------------------------------------------
طب ايه هو الحلم الامريكى أصلا ؟
American dream
الحلم الامريكى ده بيعتبر (روح الامه الامريكيه)
بيعتبر الهدف الاسمى اللى الشعب الامريكى وكل من يعيش على ارض أمريكا عايش عشانه
وهو انه يحقق (الثراء) و(الحياه السعيده)
الفكره مستمده من اعلان الاستقلال واللى بيفترض فيها ان فيه حد من الحقوق لكل الأمريكيين لا يمكن المساس بها
الحقوق دى بتوفر (فرصه) لكل انسان عايش في أمريكا ، انه يبقى (قادر) على تحقيق حلمه ، اللى هو الثراء والحياه السعيده
نظريا وخطابيا ، فالكل لديه فرصه لتحقيق هذا ان كان مستحقا له فعلا
مفهوم ان مش كل الناس هتبقى اغنياء ، انما لو انت عندك (المؤهلات) و (القدره) فانت قدامك (فرصه مجانيه ) لتحقيق حلمك
كل ده كلام نظرى ، والمنحنى كان عاوز يشوف بقى علميا ، هل هو حقيقه ولا لا
هل ابن الفقير يستطيع انه يقفز اعلى السلم الاقتصادى ، ويبقى غنى ؟
وكم في المائه يقدروا ؟
وهل دخل الابوين و كونهم اغنياء او فقراء ، هيؤثر على المقدره دى ولا لا
*****************************************************************
زى ما المفروض انك فهمت ، ان الموضوع حيوى جدا للامريكان
ده جوهر أمريكا نفسها
المشكله ان المنحنى اثبت العكس
اثبت ان دخل الابوين بيؤثر بشكل قطعى على فرص الأبناء للحصول على ثروه
أبناء الأغنياء لديهم فرصه اعلى بكثير للصعود والثراء
وأبناء الفقراء (غالبا) ما يبقوا فقراء ولو بشكل نسبى
وانه منذ الثمانينات وحتى 2012 فان فرص أبناء الفقراء للثراء (تتضاءل) وتقل في أمريكا بشكل لا لبس فيه احصائيا
وان هذه الفرص أصلا كانت منخفضه قبل الدراسه مقارنه باغلب دول العالم المتقدم!!!
كما ان الثروه في أمريكا متركزه (بشده) في يد (قله) وبالتالي فمعنى المنحنى انه هذه القله (ستبقى) قله للابد ، لان لا فرصه حقيقيه للترقى امام باقى الطبقات
الموضوع تم استغلاله انتخابيا في عهد أوباما ، لكن في النهايه لم يتغير شيء
-------------------------------------
طيب .... ليه سموه جاتسبى العظيم ؟
------------------------------------
جاتسبى ده شخصيه في روايه امريكيه شهيره جدا اسمها
" جاتسبى العظيم" للمؤلف سكوت فيزجيرالد
يعنى المنحنى استمد اسمه من اسم الروايه الشهيره
الروايه دى اتعملت أفلام كتير ، منها 5 أفلام امريكيه على الأقل بتحمل نفس الاسم ، أولها عام 1926م واخرها عام 2013م وكان بطولة ليوناردو دى كابريو و توبى ما جوير
بل وفيه فيلم عربى اتعمل اقتباسا عن الروايه بطوله نور الشريف و مديحه كامل على ما اذكر اسمه "الرغبه"
--------------------------------------
طب ايه العلاقه بين الروايه و المنحنى ؟
------------------------------------
باختصار
الروايه كانت تدور حول زيف الحلم الامريكى
وان البطل عشان يبقى غنى كان بيعمل في اعمال غير اخلاقيه وغير قانونيه
يعنى عشان يبقى غنى مكنش فيه قدامه (فرصه مشروعه)
رغم ان عنده المؤهلات ورغم ان عنده القدره على تحقيق الثراء الواسع ، وحققه فعلا لكن من العمل غير المشروع !!!!
الروايه أصلا مأخوذه عن شخصيات حقيقيه شهيره في المجتمع الامريكى ولهذا كان لها صدى مؤثر
وزى ما الروايه تحدثت عن زيف الحلم الامريكى
المنحنى اثبت نفس النتيجه علميا بعد ما يقرب من قرن من الزمن
دى حكاية منحنى جاتسبى العظيم
وحقيقه (ارض الفرص) والعداله الاجتماعيه في القوى العظمى الأولى في العالم
Comments
Post a Comment