صناعة الخلافه........ من صنع اردوغان ؟

فيه بعض التواريخ المهمه ، وبعض الصور شديده الاهميه وهتلاقيها مترقمه

الصورة رقم واحد

الراجل اللى انت شايفه ده هو اجابة السؤال

ده اسمه مورتون ابراموفتش

الراجل ده من اهم الدبلوماسيين الامريكان ، وكان سفير امريكا فى (تركيا) بين 1989 الى 1991

الفتره دى كانت حرجه جدا ، لانها صاحبت تشكيل النظام العالمى الجديد بعد سقوط حائط برلين وانهيار الاتحاد السوفيتى وتفكيكه

والسفير الامريكى فى دوله هامه زى تركيا فى فتره زى دى مش بيبقى شخص عادى

مورتون برضه شخص مش عادى ، هو مفكر سياسى وخريج جامعات القمه فى امريكا.. ستانفورد وهارفارد

اضافة الى انه  يهودى الديانه

ووقت ما اتعين فى تركيا كسفير كان عمره 56 سنه تقريبا

الثعلب الخبير اصطاد بعينه اردوغان فى هذه الفتره القصيره ، واستمرت علاقته بيه سنوات طويله بعدها

    مورتون ابراموفتش كان له نشاط (استخباراتى هام) وعمل بشكل واضح مع 

الاستخبارات المركزية الامريكيه

ده مش تنجيم ، فى الحقيقه ان مؤخرا ، النائب العام التركى ذكر اسمه من ضمن الاشخاص اللى قاموا بادوار استخباراتيه فى تركيا لصالح المخابرات الامريكيه ، وبشكل علنى ، وهتلاقى الوثيقه رقم 8 واضح فيه اسم مورتون ابراموفيتش السفير الامريكى و 

اضافة لمقال عن الموضوع تقدر تقرأه هنا  جريدة نورديك مونيتور

https://tinyurl.com/y37k3ev2

مورتون قام بمهام اهم بعد كده من موضوع الدبلوماسيه

فساهم فى انشاء مجموعة الازمات الدوليه

International crisis group

Think tank

ودى لمن لا يعلم عباره عن  فيه مجموعه من العقول المتميزه بدرجات متفاوته ، وفى فتره من الفترات كانت بتضم محمد البرادعى فيها قبل ان ينفصل عنها وينزل مصر ليقوم بدوره المعروف ، اى شخص قرأ عن كيفيه (انتاج الثورات الملونه) هيبقى سمع عن مجموعة الازمات الدوليه دى ، واللى بيمولها الملياردير الشهير جدا  جورج سوروس 

ايضا اصبح رئيس معهد (كارنيجى للسلام) لفتره من الفترات ، واعتقد انت عارف المعهد ده بيحدف علينا ايه كل شويه

ممكن نقول ان المؤسستين دول كان ليهم اسهام واسع فى   تشكيل وتكوين الخطه اللى عشناها باسم الربيع العربى 

عام 1994 وصل الشاب الصاعد رجب طيب اردوغان الى منصب عمدة اسطنبول ، المنصب الذى تم تدريبه وتلميعه فيه تمهيدا لتصعيده

عام 1996 نشرت جريده ايدنليك ( صورة الجريده موجوده مرتين بترقيم 4 لمن يرغب) مقالا مطولا عن الشاب الصاعد رجب طيب 

اردوغان وذكرت فى عنوانه بوضوح ان (ابراموفيتش يقول ان طيب هو خليفة اربكان )

لاحظ ان وقتها مكنش اكتر من عمده للعاصمه ، ولاحظ وقتها ان اربكان كان رئيس الوزراء ، ولاحظ ايضا اسم ابراموفيتش اللى المفروض ساب منصب السفير من سنوات ، لكن زى مقولتلك فى الاول ، ابراموفيتش سياسى مؤثر وغير عادى ، ودوره زاد اهميه عن منصب 

السفير

المهم الجريده نشرت حوار دار بين الطرفين (اردوغان وابراموفيتش ) وهتلاقينى نشرت صورة من كلام الجريده نقلا عن موقع (تركى) اخر ذكر هذا الامر فى 2013

https://tinyurl.com/y2jyx2ny

وهتلاقى كلام واضح وصريح عن اختيار (ابراموفيتش لاردوغان الشاب ) ليكون دميه امريكيه جديده ، وهتلاقى ابراموفيتش بيتكلم عن انه شايف ( اسطنبول كعاصمه للشرق الاوسط ) ، وهو ما سبق ان شرحناه فى سلسله منفصله عن تفضيل الغرب لعودة الخلافه بقيادة تركيا لتكون ممثله للشرق الاوسط السنى ، وتكون ايران ممثله للشرق الشيعى

الصوره هتلاقيها برقم 6

استكمالا للامر ، فان بعد ذلك عام 1999 تم سجن اردوغان 4 شهور ، وخلال تلك الاشهر زاره فى محبسه ممثلين عن البرلمان الاوروبى مثل اندرياس بارسونى ، و والتر شويفيم ، وطبعا صديقه مورتون ابراموفيتش

هتلاقى صورة للمقال اللى بيتكلم عن الزيارات دى برقم 7

ومقال اخر بيتكلم عن الموضوع تقدر تقرأه هنا

https://tinyurl.com/y535qdvt

بس مش بيفكرك بحاجه موضوع الزيارات الاوروبيه للعميل بتاعهم ؟

ايوه الجاسوس المنتخب بتاعنا !!

المهم

فيه مقال اخر كتبه ابراموفيتش العميل الاستخباراتى المرموق ، عن العميل الذى جنده ووصل لاعلى منصب فى تركيا وبينفذ اجندته ، المقال فى 2009 فى الفورين افيرز

هتلاقى صورة تمجيديه لاردوغان ، تحت عنوان هائل Turkey’s Transformers يعنى الذين سيحولون تركيا ، او محولى تركيا

لاحظ التاريخ قبل عام تقريبا من بدء شرارة الربيع العربى وتنفيذ الخطه اللى بدأها مورتون فى منتصف التسعينات ، لتكون فاهم ان الخطط دى بتوضع وتنفذ فى وقت قصير ولا حاجه

الصورة برقم 2 واسم ابراموفيتش منور فيها

وهتلاقى ايضا صورة برقم 3 بتتكلم عن هيلارى كلينتون التى اشارت الى (تركيا الاردوغانيه) باعتبارها واحده من القوى السبع الكبرى الصاعده ( او بيتم تصعيدها) لتعمل بالتعاون مع الولايات المتحده فى حل المشاكل والنزاعات العالميه !! وطبعا ده يرجعنا لما سبق ان شرحناه من اختيار تركيا الاردوغانيه لتكون ممثلا عن الاسلام السنى فى الشرق الاوسط ، باستعمال الاخوان ، لانهاء مشاكل هذه البقعه من العالم من وجهة النظر الامريكيه

والمقال بيتكلم عن ان (لسه تركيا لم تظهر كقوة عالميه او اقليميه بعد .... والسبب طبعا ان الخطه لم يكن قد بدأ تنفيذ الجزء الاوسط منها ، ولم يكن بدأ تنفيذ سوى التمهيد ( تلميع اردوغان ، دعم الاخوان وتصعيدهم سياسيا فى الدول العربيه ، اثارة الشعوب على الانظمه الحاكمه من خلال الاعلام الجديد ، وكلها امور سبق ان تحدثنا عنها فى مقالات تفصيليه ))

فيه ايضا مقال اخر فى 2013 كتب مورتون ابراموفيتش ، بعد ان اثبتت تركيا انها (القوة الاقليميه اللى لها المستقبل بعد الربيع العربى)

هتلاقيه ( صورة رقم 5 ) بيتكلم عن ضرورة عمل ( خطة تركيه امريكيه لمرحلة ما بعد الاسد فى سوريا ) اثناء لقاء الرئيسين (اردوغان واوباما )

وهتلاقيه ويا للغرابه ( مقدم تركيا واردوغان على امريكا و اوباما فى الكلام) ، باعتباره عميله الاثير الناجح ، وكانما يذكر القيادات فى لانجلى باختياره ونجاحه

وهتلاقى فى اول سطرين بيرمى المسئوليه على نظام الاسد بخصوص تفجير سيارة على بلده تركيه حدوديه ، وطبعا كلنا عارفين دلوقت مين اللى بيفجر السيارات ولصالح مين ، خصوصا ان هذا العمل كان مبرر للاتراك انهم يجتاحوا شمال سوريا ويضموا قرى وبلدات سوريه ليهم حتى اليوم

وطبعا كلنا عارفين دلوقت ان الموضوع طلع بلح ، وان الخطه التركيه لمرحلة ما بعد الاسد فى سوريا لم تنفذ على الارض حتى اليوم لكن وقتها مكنش حد يعرف !!

المقال اهوه لمن يرغب

https://tinyurl.com/yxrx7xex

*****************************************************************

خلاصة ما سبق باختصار

ان العميل رجب تم اختياره من قبل مورتون ابراموفيتش ، رجل الاستخبارات الامريكيه ، ليتم تصعيده وتلميعه ليصبح قائدا للشرق الاوسط ، واسطنبول تصبح عاصمه للمنطقه ، كمان روج الاخوان ، لكن بفضل الله ، وما حدث فى 30 يونيو ، نحن الان نقرأ هذه السطور ونندهش ، ونضحك ، والا لكانت الخطه المذكوره مطبقه فوق رؤوسنا اليوم

****************************************************************

نشر الوعى مسئوليتك