مقالاتنا

فيه بعض التواريخ المهمه ، وبعض الصور شديده الاهميه وهتلاقيها مترقمه الصورة رقم واحد الراجل اللى انت شايفه ده هو اجابة السؤال ده اسمه مورتون ابراموفتش الراجل ده من اهم الدبلوماسيين الامريكان ، وكان سفير امريكا فى (تركيا) بين 1989 الى 1991 الفتره دى كانت حرجه جدا ، لانها صاحبت تشكيل النظام العالمى الجديد بعد سقوط حائط برلين وانهيار الاتحاد السوفيتى وتفكيكه والسفير الامريكى فى دوله هامه زى تركيا فى فتره زى دى مش بيبقى شخص عادى مورتون برضه شخص مش عادى ، هو مفكر سياسى وخريج جامعات القمه فى امريكا.. ستانفورد وهارفارد اضافة الى انه  يهودى الديانه ووقت ما اتعين فى تركيا كسفير كان عمره 56 سنه تقريبا الثعلب الخبير اصطاد بعينه اردوغان فى هذه الفتره القصيره ، واستمرت علاقته بيه سنوات طويله بعدها     مورتون ابراموفتش كان له نشاط (استخباراتى هام) وعمل بشكل واضح مع  الاستخبارات المركزية الامريكيه ده مش تنجيم ، فى الحقيقه ان مؤخرا ، النائب العام التركى ذكر اسمه من ضمن الاشخاص اللى قاموا بادوار استخباراتيه فى تركيا لصالح المخابرات ...

اسم غريب شويه !!! ايه هو منحنى جاتسبى العظيم؟ ولماذا سمى بهذا الاسم ؟ The Great Gatsby Curve باختصار ده منحنى اقتصادى بيمثل العلاقه بين العداله الاجتماعيه (او توزيع الثروه والدخل) وقدرة الجيل الثانى على التحرك صعودا على سلم الاقتصاد ------------------------------------------------------------ يعنى بالبلدى .... ايه إمكانية ان ابن الفقير يبقى غنى لما يكبر ؟!! ------------------------------------------------------------- طبعا ده هيقيس نقطه هامه جدا ....وهى الفرص المتاحه وهل هي متساويه وعادله ولا لا المنحنى ده في الأصل بدأ الكلام عنه حديثا جدا ....في 2012م الكلام عن بيتركز عن ------------------------------------------------------------------ هل الحلم الامريكى ...حقيقه ام خيال من وجهة نظر عمليه اقتصاديه ؟!! --------------------------------------------------------------- طب ايه هو الحلم الامريكى أصلا ؟ American dream الحلم الامريكى ده بيعتبر (روح الامه الامريكيه) بيعتبر الهدف الاسمى اللى الشعب الامريكى وكل من يعيش على ارض أمريكا عايش عشانه وهو انه يح...

كل البشر بيكرهوا الضرائب وكل البشر شايفين نفسهم مظلومين والضرائب اللى عليهم مرتفعه جدا ده العادى ، وبالتالي فان كل الناس لو وجدت وسيله ما للتهرب من دفع الضريبه ، فغالبا ، نسبه كبيره هتحاول تستعملها للتهرب من كل او من بعض هذه الضريبه ومهما كلمته عن أهمية الضريبه للانفاق العام عليه هو شخصيا ، فهو هيفضل ان غيره يدفع ، وهو لا ، انسى جو ( مصلحتك أولا ده مع ناس مستعده تبيع اى شيء لزيادة أرباحها) دى الطبيعه البشريه عموما ، وقد يهذبها قليلا الوعى ، والأخلاق و الواعز الدينى لكن ازاى الدوله تحدد الضرائب أصلا ؟ ====================== يعنى ايه اللى يمنع الحكومه مثلا انها تيجى الصبح تقول هنعمل الضريبه على الدخل 60% وبكده تزود إيراداتها وتقدر تزود خدماتها وتعملك شغل فنادق !!! اللى بيمنعها معرفتهم بما يسمى " منحنى لافر" نسبة لاقتصادى امريكى اسمه "ارثر لافر" هو المنحنى المرفق اللى يشبه القبه كده باختصار الراجل قال ان إيرادات الحكومه من الضرائب هتتناسب طرديا مع زيادة نسبة الضرائب الى ((حد معين)) يعنى كل ما الحكومه ترفع الضرائب ( مثلا من 20 الى 25%) فا...

اللى بيقود الاقتصاد زيه زى اللى يقود سياره عينه على الطريق ( الواقع الاقتصادى حواليك فى العالم والاقليم) وكل شويه يضرب بعينه على العدادات اللى قدامه (المؤشرات الاقتصاديه) ومينفعش يعمل العكس ، انه يقعد يبص على العدادات بس ، وميشوفش الواقع المحيط بيه ، لان غالبا هيعمل كارثه اهم المؤشرات اللى لازم يضرب بعينه عليها --------------------- مؤشر النمو الاقتصادى --------------------- ممكن تعتبر ده عداد السرعه بتاع العربيه ، وهنا هو سرعة النمو الاقتصادى ، نمو الناتج القومى يعنى ، وبيبقى (نسبه مئويه) ، كل ما النسبه تكبر ، كل ما النمو يبقى (بمعدل اكبر) ، يعنى اسرع مصر كانت عاوزه تقرب من 6% وده رقم كبير حاليا ، غير قابل للتطبيق فى الظروف العالميه السيئه النمو ده برضه هيساعد على تخفيض البطاله و وتحسين دخل المواطنين ، ولما يزيد عن الحد ، يقلب بتضخم ، ولو نقص عن المطلوب ، هيتسبب فى بطاله و ضعف استثمارات وغيره (يعنى زى السرعه لو زادت عن الحد تقلب بخطوره وحوادث ، لازم تبقى على قد قدرات الطريق والسياره نفسها ) ------------- مؤشر البطاله ------------- اى حكومه عاو...

هنتكلم النهارده عن طريقه تانيه للتيسير الكمى بيقوم بها المركزى غير خفض الفائده وشراء السندات الطريقه دى لها علاقة باحتياطيات البنوك او المصارف التجاريه باختصار كده كل ما العميل بيودع مبلغ في البنك في حساب ما، المفروض على البنك انه (يركن) نسبه من المبلغ ده كاحتياطى الزامى ( ممكن نقول انها عشان لما تروح تطالبهم بفلوسك او بجزء منها ، يبقى عندهم سيوله للسداد) النسبه دى بيحددها البنك المركزى ويقدر يخفضها او يزودها ، وزى ما هو واضح انها (اجباريه والزاميه) لنفترض مثلا ان النسبه 10% ايه اللى هيحصل ؟ ------------------ العميل "س" مثلا هيروح للبنك A يحط الف جنيه البنك هيحط 100 جنيه منهم في الاحتياطي اللى بيعتبر كانه عند المركزى ، و البنك التجارى A مش هيقدر يستعملهم في اى شيء تقريبا باقى المبلغ 900 جنيه ، يقدر البنك يستثمرهم ويستفيد منهم عشان يدفع الفوائد اللى على الحساب للعميل س هياخدهم و يقرضهم مثلا للعميل "ص" واللى بدوره عنده مشروع مثلا ، فهياخد الفلوس ويحطهم في بنك اخر ، او حساب اخر في نفس البنك عشان يستعملهم في مشروعه ساعتها البنك B ه...

ما هو التيسير الكمى ؟ Quantitative easing لو عاوز تفهم ببساطه اقرا واحده واحده ============================================= التيسير الكمى هو مصطلح اقتصادى قد تسمعه بكثره في نشرات الاخبار ، او تقرأه في الجرائد لما يحب المعد انه يتفذلك على المستمعين بمصطلح شكله (مكلكع) بينما معناه بسيط في حقيقته تعال نشوف باختصار كده لما البنك المركزى يشوف ان فيه مخاوف من ركود اقتصادى (زى الأوضاع الحاليه) فبيقرر انه يشتغل بأدواته ، اللى هي السياسه النقديه طيب بالعقل كده لما يبقى فيه ركود ومفيش بيع ولا شراء ، تعمل ايه عشان تنشطهم من (زاوية السياسه النقديه) ببساطه هتخلى الفلوس كتير ، السيوله كتير في ايد الناس ساعتها هيضطروا تحت ضغط الاغراء انهم يستعملوها يشتروا حاجات ، او يستثمروا ، وهكذا طب هتعمل ايه يعنى ؟ --------------------- بيقوموا يطبعوا نقود مثلا ، اه زى ما سمعت كده ، بيطبعوا فلوس وده شغل البنك المركزى في اى دوله في العالم ، وفهموك انه في (المطلق) حاجه وحشه ، وده غير صحيح ، ده (أداة من أدوات المركزى القانونيه الطبيعيه) ورجاء مفيش حد يتكلم عن الغطاء الذهبى عشان (عيب)...